Oraindik ez dute eszenatokia zapaldu, baina dagoeneko besaulki-patiotik paseatu dira. Bertako txoko batzuk arakatu dituzte eta oholtza gainean dantzatzearekin amestu dute. Onin eta bere koadrila Gayarre Antzokian aurkeztu ziren azaroaren 16an. « Liburutik antzerkirako » jauzia iragarri zuten eta, geldigor, euren koreografiaren zati bat erakutsi zuten. Haiekin batera, Ibon Martin -aita literarioa-, Maite Redin eta Ainhoa Ruiz (Tdiferencia) eszenatokira egindako jauzian bere mentoreak, José Ángel Andrés eta Izaskun Azcona ( Fundación Caja Navarra -ko presidentea eta «La Caixa» Fundazioaren Nafarroako ordezkaria, hurrenez hurren) izan ziren, Innova Programa sustatzen duten erakundeak. Programa horrek Nafarroako konpainia honen proiektua babesten du.

Sara kgraziaz erakutsi zuen bere zaldi mototsa, Onin ek ez zituen bere galtzerdi koloretsuak ahaztu eta Ainara k zoriontsu paseatu zuen bere adats luzea. Erik gorritu egin zen behin baino gehiagotan, eta Aimar rek ez zion utzi bere protesiek Gayarre Antzoki ko atarian bere lagun-taldearekin dantzan egitea eragotz ziezaioten. Urduri jarri ziren, baina gogotsu ekin zioten misioari. Onin eta Antzerkiaren Misterioa estreinatzeko hilabete pasatxora, koadrila Iruñeko koliseora hurbildu zen hedabideen aurrean bere hurrengo abentura aurkeztera, Antzerkiaren Misterioa ezagutzera eramango dituena. Goiz dibertigarri eta zirraragarria izan zen. Hemen azalduko dizugu…

AMETS BAT

Ibon Martin egilearentzat, Onin eta bere koadrila k euren liburuetako orrietatik antzerkira salto egitea egia bihurtutako ametsa da. Bere pertsonaiek bizia hartu izatea albiste ona da eta, hortaz, azaroaren 16a oso egun berezia izan zen. Donostiako kafetegi batean hasi zen dena, « zoro pare batek » Onin antzokira eramatea proposatu ziotenean. « Laster esan nien aurrera egiteko. Eta hemen gaude. Zoro zoragarri horiei esker, aurtengo Gabonetan, Onin eta bere koadrila antzokian izango dira ».

Idazleak kontatu zuen, halaber, Oninen abenturak idazten hasi zela, duela lau urte, haurrak literaturara hurbildu eta literaturak harrapatzea lortzeko asmoz. « Irakurketa horrek dibertitzea ez ezik, balio batzuk ematea nahi nuen, eta uste dut balio horietan guztiok sinetsi beharko genukeela gizarte gisa ». Horregatik, Oninen koadrilan denak berdinak dira, elkarri laguntzen diote eta mundu hobe baten alde borrokatzen dute, bakoitzak ahal duen neurrian. « Tdiferencia kooperatiba ezagutu nuenean, hasieratik argi izan nuen norbaitek Onin antzerkira eraman bazezakeen beraiek izan behar zutela, haien lan egiteko moduagatik, inklusioaren, aniztasunaren edo lankidetzaren defentsan aritzeagatik; hori baita, hain zuzen ere, Oninek jorratzen duen guztia ».

Maite Redinek, antzerki moldaketaren egile eta muntaiaren zuzendariak, lankidetza aipatu zuen proiektu honen funtsezko zutabe gisa. « Horregatik daude hemen Ibon, Grego, Jose Andres eta Izaskun ». Izan ere, haien laguntzari esker, errealitate bihurtu da Onin eta Antzerkiaren Misterioa : « Guk Onin haurrekin egiten ditugun hainbat tailer eta ipuin kontalarien bidez ezagutu genuen, eta pertsonaiaz maitemindu ginen. Horrela, Ibonekin harremanetan jarri ginen. Gure ideia kontatu ondoren, esan zigun: ‘Onin zuena da’ », kontatu zuen Redinek, idazle gipuzkoarraren « eskuzabaltasun sinestezina » azpimarratuz.

Bigarren pausoa, zuzendariak kontatu bezala, Gayarre Antzoki ko atea jotzea izan zen. Eta bertako zuzendariak, Grego Navarro k, « zeharo » ireki zion. Beraz, « kemendu egin ziren » eta Innova Programa ren eta Nafarroako Gobernua ren babesa eskatu zuten. « Laguntza horiek guztiek aukera ematen dizute beste maila bateko proiektu bat sortzeko, arriskutsuagoa dena, prezio lehiakor bat duena. Sorkuntzari denbora emateko eta alderdi ekonomikoari bakarrik ez begiratzeko aukera ematen du », ziurtatu du Redinek.

Ainhoa Ruiz eta Maite Redin, Tdiferenciatik; José Ángel Andrés, Ibon Martin eta Izaskun Azcona.

Fundación Caja Navarra ko zuzendaria ere gogotsu agertu zen datorren estreinaldiaren aurrean, eta haren laguntzaile hutsak ez direla aitortu zuen: « Kulturarekiko konpromisoa hartzen dugu. Elkar lotzea eta akonpainamendua egitea gustuko dugu », esan zuen José Ángel Andrés ek, eta miresmena erakutsi zuen inklusioa eta indarkeria eta abusuaren aurkako borroka ardatz hartuta Tdiferenciak egindako lanarekiko.

Izaskun Azcona k , «la Caixa» Fundazioa ren Nafarroako ordezkariak , erakundea Tdiferenciaren proiektua babestera bultzatu zuten alderdietako batzuk nabarmendu zituen: « Kultura inklusiboa, kalitatezkoa, irisgarria, euskaraz eta gaztelaniaz, eta familia osoarentzat ».

LAN TALDEA

Onin eta Antzerkiaren Misterioa antzezlanean bost aktorek egiten dute lan, koadrilako kideei bizia emango dietenak. Irati Muñoz gipuzkoarra Onin izango da eta Iban Alguea nafarra bere anaia Erik bilakatuko da. Celia Fañanás eta Naiara Azpilkueta nafarrek Sara eta Ainararen papera egingo dute, hurrenez hurren, eta Kimetz Etxabe gipuzkoarra Aimar izango da.

Maite Redin da antzezlanaren egile eta zuzendari artistikoa, Ainhoa Ruiz zuzendari laguntzailea eta euskara arduraduna. Acrónica taldeko David Bernués ek diseinatu du argiztapena, eta Jon Zabala arduratu da musika jartzeaz. Conchi Redin da ekoizpen exekutiboaren arduraduna.

Naiara Azpilkueta, Kimetz Etxabe, Iban Alguea, Celia Fañanás, Irati Muñoz, Maite Redin eta José Ángel Andrés.

Proiektuaren ekoizpenak Nafarroako Gobernuaren diru-laguntza du – Artem Pro – eta, gainera, Gayarre Antzokia , Innova Programa , Fundación Caja Navarra  eta Fundación “la Caixa” ren laguntza izan du.