Iciar Irurtia Orzaiz

Azaroaren 7an hasi zen Gora Gora Fest! jaialdiaren bosgarren edizioa Euskarabideak antolatutako jaialdia, 2020tik aurrera eta Euskararen Nazioarteko Eguna ospatzeko -abenduak 3-, euskarazko kultura Nafarroako herrietara eramaten duena. Aurten, Nafarroako 65 herritan egingo dira kultur jarduerak, azaroaren 7tik abenduaren 14ra bitartean. Munstro eta magia tailerrak eta haur, gazte eta helduentzako antzerki emanaldiak izango dira 2025eko kultur programa osatuko duten jardueretako batzuk. Ainhoa Ruizek, konpainiako Euskara arduradun eta aktoreak, xehetasun guztiak kontatu dizkigu.

Aurten ere, Tdiferencia arduratu da Gora Gora Fest jaialdiaren programazioa diseinatzeaz. Konpainiak, udalak, 65 jardueraren datak eta ordutegiak koordinatzea ez da lan erraza izango…

Hainbat edizio daramagu kudeatzen eta urtetik urtera gero eta errazagoa da, gero eta konpainia gehiagok parte hartu nahi dutelako programazioan, eta kalitatezko proposamenak egiten dituztelako, eszenatoki ez-konbentzionaletara egokituz. Gainera, gero eta herri gehiagok parte hartu nahi dute, beraz, udalekiko harremana gero eta arinagoa da. Jendeak programazioa ezagutzen du eta gogoz itxaroten du. 65 jarduera dira, hilabete pasatxoan beste horrenbeste herritan banatuak, haur, gazte eta helduentzako proposamenekin.

Hilabeteko jaialdia, 65 jarduera 65 herritan. Nola antolatzen da ezaugarri horiek dituen programa bat?

Lanik gogorrena jaialdia martxan jarri aurretik egiten da. Herriak, herri bakoitzera egokitzen diren ikuskizunak, datak eta ordutegiak… aukeratu behar direlako. Behin abiarazita, lana ez da hain konplexua, jarduera gehienak formatu txikikoak direlako eta independenteak diren konpainia profesionalek egiten dituztelako.

Konpainien aukeraketa zaila da?

Oso zaila, bai. Kalitatezko konpainia askok beren proposamenak aurkezten dituztelako eta jaialdi honetan parte hartzeko gogo handia dutelako. Beraz, ea programazioaz arduratzen jarraitzen dugun, konpainia ezberdin gehiago kontratatu ahal izateko.

Zer bilatzen du Gora Gora Fest-ek?

Normalean euskarazko jarduerarik ez duten eremuetan euskara sustatzea da helburua.Eremu euskaldunetan, non normalean kalitatezko programazioa izaten duten, adin desberdinetako ikusleek parteka ditzaketen proposamenak eskaintzen saiatzen dira. Eta, normalean haurrentzako ikuskizunak bakarrik programatzen diren eremuetan, helduentzako jarduerak eskaintzen dira. Herritarrentzako eta udalentzako doako proposamenak dira.

Zer konta diezagukezu edizio honetaz?

Jende asko biltzea espero dugu. 65 jarduera izango dira -iaz baino hamar gehiago- beste horrenbeste herritan, adin eta gustu guztietarako. Gainera, aurten, lehen aldiz, adin guztientzako magia tailerra izango da. Txotxongiloen itzalen antzerkia eta eskulanen tailerra ere bai. Eta, jakina, ikuskizun guztiek izaera sozial nabarmena dute, eta hori funtsezkoa da Tdiferencia konpainiarentzat.

Zergatik ez dugu Gora Gora Fest 2025 galdu behar?

Aukera paregabea eta doakoa delako tarte dibertigarri eta desberdin bat pasatzeko, euskarazko kulturaz gozatzeko. Aurtengo proposamenetako batzuk formatu handiko ikuskizunak dira, espazio txikietara egokitzeko murriztu direnak. Beraz, disfrutatzeko aukera paregabea da. Aurtengo egitarauak hamar jarduera eskaintzen ditu 65 herritan, Nafarroako eta Euskal Herriko zazpi konpainiak taularatuta.