Iciar Irurtia Orzaiz

Joan den abenduaren 28tik 30era , La Fábrica de Gomas antzoki bilakatu zen. Lezkairun kokatutako kultur gune honetako besaulki-patio bitxian, non arrosa kolorea zen protagonista -urtarrilaren 18ra arte, PANTONA 211C erakusketa ikusgai izango da, arrosa koloreari omenaldia egiten diona-, laurehun pertsona inguru elkartu ziren Tdiferencia k Laboral Kutxa ren laguntzarekin batera antolatutako Gabonetako Programa z gozatzera.

Antzina pneumatiko-fabrika izandako espazio honetan -egun erakusketa eta ekitaldietarako areto bihurtu dena- printzesak, matematikariak, piratak eta igelak ibili ziren. Istorioak kontatu zituzten, baita batailak libratu ere. Zenbakiez, fisikaz eta berdintasunaz aritu ziren, tripak opil eta txokolatez betetzen ziren einean. Baina, batez ere, Gabonetaz eta kulturaz disfrutatu ahal izan zen bertan.

“Oso pozik gaude, kolaboratzaileen erantzuna -dena erraztu izan digutenak- oso positiboa izan delako, baita ikusleengandik jasotakoa ere: programatutako bost ikuskizunetatik lautan SARRERAK AGORTUTA zioen kartela zintzilikatu izan dugu” , adierazi du Maite Redin-ek, Tdiferencia -ko kide eta programaren bultzatzaileak.

Guztira, laurehun pertsona inguru hurbildu ziren La Fábrica de Gomas -era, Lezkairun, Tdiferencia k diseinatutako antzerki programazioa ikustera. Maite Redin -ek azaldu bezala, datozen urteetan ere jarraipena izateko asmoarekin jaio zen Gabonetako programa hau, betiere publikoaren harrera jaso eta inguruko kultur-beharrei erantzuna ematen bazien. “Jende askok errepikatu du hainbat saiotan, eta gehienek antzerkiaz taldean gozatu dute, bai lagunekin baita familiarekin ere” , adierazi du Redin-ek. Haren ustez, antzerki-esperientzia familiarekin partekatzea “betirako gogoratzen den esperientzia polita da”.

Igandeko jardunaldian Sophie Germaine matematikari eta fisikari frantziarra izan zen protagonista. Zenbakiak, teoriak, ametsak eta desioak izan zituen hizpide zientzialari frantziarrak. Bere bizitzaren historia kontatu zuen: liburutegian emandako gau luze eta hotzak gogoratu zituen, Parisko Eskola Politeknikoan egindako sarrera, bere aurkikuntzak, bere izen berria -Antoine Auguste Leblanc- eta bere biboteaz aritu zen. Izan ere, Sophie Germaine-k (Paris, 1776-1831) bere identitatea aldatu behar izan zuen eta gizon plantak egin, ikasketak burutu ahal izateko.

Naiara Azpilkueta aktore nafarra izan zen Frantziako matematikari eta fisikariari bizia eman ziona, eta berrogeita hamar bat ikusleren jakinmina piztu zuen euskaraz eta gazteleraz egindako bi antzezpenetan.

2024ko Gabonetako antzerki egitaraua astelehenean, abenduaren 30ean itxi zen, berriz ere sarrerak agortu zirela. Arratsalde hartan Calzas Rojas ( Maitane Pérez ) eta Calzas Negras ( Eva Azpilikueta ) piratek, jendez gainezka zegoen espazio batean, euren gorabeherak kontatu zituzten: altxor handi baten bila munduan zehar ibiltzera eraman zituzten abenturak. Afrikara edota Txinara ere joan ziren, ondasunik preziatuena gordetzen zuen kutxa hura aurkitzeko asmoz. Eta aurkitu zutenean, ireki eta bi printzesa-koro aurkitu zituzten… Izan ere, haiek ere printzesak izan zitezkeen, edo ez, beraiek nahi zutenaren arabera.

Maite Redin: “Kolaboratzaileen babesa ezinbestekoa izan da”

Zein izan da programaren inguruan jasotako balorazioa?

Oso positiboa. Ikusleen erantzuna oso ona izan da, baita gure kolaboratzaileengandik jaso dugun babesa eta konfiantza ere.

Honakoa Lezkairun kokatutako kultur gune honetan egindako lehen esperientzia izan da…

La Fábrica de Gomas, haurrentzako jarduerarik inoiz hartu ez duen espazio honen aldeko apustua egin genuen, eta izugarri gustatu zaigu. Espazio erosoa da, eta Alberto García Vegak -LFGren sortzaile, zuzendari eta bultzatzaileak- asko erraztu digu dena. Hortaz, errepikatuko dugu ziur, bai haurrentzako bai helduentzako proposamenekin.

Tdiferencia-k Laboral Kutxaren laguntza ere izan du…

Haren babesa ezinbestekoa izan da. Hasieratik gure proposamenarenganako konfiantza izan zuen, eta kulturarekin, programazio familiarrarekin, euskararekin eta berdintasunarekin duen konpromezua erakutsi du. Haren laguntzari esker, hainbat kide dituzten familientzat sarreren prezioa eskuragarria izatea lortu da.