Ba al dago kutxa bat zuretzat? Hor sartzen al da zure bizitza osoa? Zure maitasunak, zure bizipenak, zure ametsak. Beldurrak, irrikak, beharrak, nahiak. Maitasunak, desamodioak, zaletasunak, sinesmenak eta desioak. Bikoteak, seme-alabak, gurasoak, anai-arrebak. Ezinezkoa da hori guztia konpartimentu itxi, hermetiko eta finitu batean sartzea. Pitzadurarik gabekoa, ondo zigilatuta dagoena, kolpeak jasateko gai dena. Posible al da bizitza osoa kutxa batean sartzea?

Horri buruz hitz egiten digu, hain zuzen ere, Tdiferencia ren muntaia berriak. Bizitza, existitu baino lehen ere, askotan «gorde» nahi duten «kaxez». Klixe, ikasitako ohitura eta formalismoei buruz. Baina, batez ere, askatasunaz hitz egiten da. Nork bere bizitza nahi duen bezala bizitzeko eskubideaz . Bere eskubide eta betebeharrekin , bere desio , printzipio eta maitasunekin .

Naiara Azpilkueta eta Celia Fañanás aktore nafarrak dira bizitza , maitasuna eta askatasuna uztartzen dituen istorio honetako protagonistak. Haien arteko elkarrizketari esker, ibilbide bat egin dezakegu haien elkarrekiko bizitzan zehar, hasieratik eta gaur egunera arte. Beldurrez, irrikaz eta indarkeriaz hitz egiten dute. Tdiferencia taldeko Maite Redin ek idatzi eta zuzendutako No hay una caja para mí / Ez dago kutxarik niretzat antzezlanak bizitzaz eta askatasunaz egiten du gogoeta. Beharbada ez dago kutxarik zuretzat, ez berarentzat, ez beste harentzat. Baliteke bati ondo egokitzea, baina beste bati ez. Askatasunak ez daki neurriez, itxiturez, ez moldeez. Eta horrela bizi behar da bizitza: askatasunez .