Iciar Irurtia Orzaiz

Errauskine Rocken eszenaratzean Irati Muñoz ez da minutu batean ere geldi egoten. Eszenatokira salto egiten du ahizpaorde bat hezurmamitzeko, gero Saguaren papera egiten du eta muntaian zehar beste ahizpaordearen eta Gabrielen, Errauskineren lagunaren, paperak ere egiten ditu. Hortaz, jantzi aldaketak ugariak dira, eta interpretazio laukoitzak kontzentrazio handia eskatzen dio Oiartzungo aktore honi.

Ipuinaren bertsio berri honetan, oso desberdinak diren lau pertsonaia jokatzen dituzu… Nolakoak dira sagua, ahizpaordeak eta Gabriel?

Sagua Errauskineren lagunik onenetakoa da, eta harekin partekatzen ditu bere sekretuak, penak, amodioak… Hark beti animatzen du triste dagoenean, aholku asko ematen dizkio eta behar duen guztietan hor dago.

Ahizpaordeak oso desberdinak dira haien artean. Lehena amaren atzetik ibiltzen da uneoro: berak esandako guztia egiten du eta ia gauza guztietan imitatzen du. Bigarrena erabateko «influencer» bat da, egiten duen guztia sare sozialetara igo eta bizitza gimnasioan pasatzen du.

Bestetik, Gabriel oso mutil jatorra da, eta planetarekin konprometitzen da. Azken hori Errauskinerekin partekatzen du, eta horregatik moldatzen dira hain ondo.

Zeintzuk dira Errauskinerekin bizitza partekatzen duten pertsonaia hauen ezaugarri nagusiak?

Nahiz eta oso desberdinak diren, bakoitzak bere bizitzan zerbait positiboa ekartzen dio.

Lauretatik, zeinekin geratzen zara?

Zalantzarik gabe, bigarren ahizpaordearekin geratuko nintzateke, oso dibertigarria baita hura interpretatzea.