Icíar Irurtia Orzaiz

Antzerkia Zitadelara itzuli da. Baita Tirapu, Legaria, Artazu, Otsagabia eta Kasedara ere. Eta musikak, dantzak eta zirkuak, aurten ere, txokoak eta zirrikituak beteko dituzte Tdiferenciak antolatutako Jaialdiko ZAZPIGARREN edizio honetan. Beste uda batez, arte eszenikoak – gaztelaniaz eta euskaraz – gune berezietara eramateko asmoa du, adin guztietako publikoa erakartzeko eta arte eszenikoetako profesionalen eta etorkizuneko promesen arteko loturak ezartzeko. Eta, aurten ere, berdintasuna eta aniztasuna dira protagonistak.

Aurten, Gure Zirrikituak Jaialdia ekainaren 14ean hasiko da Iruñeko Amaiur Ikastolan, Mitxel Santamarinaren Tdiskofesta rekin, eta piratak Kasedara hurreratuko dira. Egun horretan bertan magia ere izango da, Itzal Magoa ren eskutik, eta Legariako arratsaldea musikaz beteko da Errauskine Rock en eszenaratzearekin. Hurrengo egunean, igandean, arte eszenikoak Tirapu, Artazu eta Otsagabiaraino iritsiko dira eta bertan printzesen, bonben eta gozokien istorioak biziko dira.

Hurrengo asteburuan, arte eszenikoak Zitadelako bazterretatik banatuko dira: emakume espazialekin eta zirkuko emakumeekin, izen propioa duten kontzertuekin, rockekoekin, zuhaitzen azpiko ipuinekin, antzerki txikiekin eta bertsoekin. Nafarroatik, Euskal Herritik, Kataluniatik, Frantziatik edo Asturiasetik etorritako artistekin. Larunbateko jardunaldia Sergio Eslava kantari eta musikari nafarrak irekiko du, «Con nombre propio» kontzertuarekin, eta jarraian Teatro sobre Ruedas konpainiaren Mujeres de Circo ren karabanako antzezpenak izango ditugu.

El teatro más pequeño del mundo erakutsiko dute Teatro del Cuervo konpainiaren eskutik, eta Frantziako Rampante konpainiak Rococó! lana aurkeztuko du. Celia Fañanásek haurrentzako ipuinak kontatuko ditu euskaraz, eta Ruth Garretak Oumuamua 2.0 rekin aurkeztuko du espaziora egindako bidaia.

Igandean, berriz, Zitadelan barrena paseo soinudunak egiteko aukera izango da 17 bertso Veronan lanarekin, zuhaitz azpian ipuinak kontatuko dituzte berriz ere, eta Mujeres de Circok karabana jendearentzat zabalduko dute berriro. Hasi bezala amaituko da Gure Zirrikituak Jaialdiko VII. edizioa, Zitadelan: musikarekin. Igande arratsaldea Nafarroako Alfombra Negra eta Devil Skulls taldeen eskutik emango da.